Activitats

Venderdi ils 26.01.2024 a las 20:00 ha lö nossa radunaza generala aint i'l Jägerstübli pro Rino. Scha vo nu pudais tour part -> p.pl. dar part ad inchün da la suprastanza a bocca o il meglder in scrit.

La davomezdi vain giovà a tschoccas a Sur En e davo mangià Fondue.

No ans inscuntrain sülla Motta Naluns e giain insembel culs skis. Tuot tenor giaina davo amo a baiver alch aint la MarMotta o plü tard in sortida.

Quista sonda ha lö la festa da la SPEB. La giuventüna da Scuol s’ha missa a disposiziun per far bar e cassa da las 20:00 fin las 04:00. Per quista occurenza sun tuot ils commembers dumandats. La suprastanza fa ün plan da lavur e comunichescha ils detagls (per Whatsapp).

Sco deciss a la radunanza generala giaina quist on inselbel gio'n Italia. Informaziuns plü detagliadas seguan per WhatsApp

Eir quist on füss il böt dad ir a far lavurs pel cumün. Per quists lavurs voula ün pêr comembers chi sun pronts da far part!

Quist on giaina aint in S-charl a rumir gio üna veglia saiv, la faina lura eir üna grillada da cumpagnia 🍗🥩🍺
Detagls seguan aint la gruppa da Whatsapp☀️

PS: Quels chi piglian part tschüffan ün bonus (p.ex. esser üna entrada o il viadi gratuit per üna festa)

Quist on giaina insembel ad ün OpenAir. Deciss es gnü ELF (Electric Love) a Salzburg. Quels chi s'han annunzchà survegnan las infos per WhatsApp

Grillada per tuot quels chi sun our'd scoula e voulan gnir a verer co chi'd es pro la Giuventüna da Scuol.
Cun bell'ora giaina insembel cul bus sü Tarasp e chaminain pro'l Lai Nair. Casü daja gös e grill.

• No ans inscuntrain las 17:20 pro la Staziun da Scuol
• Tour cun sai: marenda, alch per brassar, dabaiver, büschmainta adattada
• Intuorn las 22:30 chaminaina insembel giò Scuol

Cun trid ora ans inscuntraina eir las 17:20 staziun e giain però a mangiar pizza.

Scha tü est da la partida -> ppl. annunzchar per mail: info@giuv-scuol.ch
No ans allegrain!

Insembel cun vo laina far ün fö dals 1. avuost sül Mot Lischana. Informaziuns seguan aint la gruppa da WhatsApp.

Ils 24 avuost 2024 giaina insembel a Pfunds-Kerle Fest. Infos seguan aint la gruppa da WhatsApp

No organisain ün taxi per ir sü Tschlin a la festa d‘october in sonda. Scha lais eir esser far adöver dal taxi, dat part quai aint il chat da WhatsApp.

Ils 6 december van ils commembers chi han temp la saira a far da Niculaus.